.jpg)
ကွန်ပျူတာဆာဗာဆိုသည်မှာ
ကွန်ပျူတာဆာဗာဆိုပြီး ပြောနေကြတယ်။ ဘာရယ်လို့ တိတိကျကျ သိတဲ့သူ နည်းမယ်ထင်ပါတယ်။ ကွန်ပျူတာကတော့ ပြောစရာ သိပ်လိုမယ် မထင်ပါဘူး အားလုံးသိကြတယ်။ ဆာဗာ (Server) ဆိုတာက ခုခေတ်မှာ ကျောင်း၊ ရုံး၊ တက္ကသိုလ်၊ ဆေးရုံ တွေမှာ သုံးလာကြပါပြီ။ ဘာကြောင့်လဲဆိုတော့ ကွန်ပျူတာ သုံးတယ်ဆိုတာ တစ်လုံးတည်း မဟုတ်တော့ဘူး။ နေရာတိုင်းမှာ ကွန်ပျူတာတွေ အများကြီး သုံးလာကြတာဆိုတော့ အဲဒီကွန်ပျူတာ အချင်းချင်း ချိတ်ဆက်နိုင်ဖို့ လိုလာတယ်။
ဒါကြောင့် ဆာဗာ ဆိုတာလည်း ပေါ်ပေါက်လာရတယ်။ ဆာဗာကို ဘယ်လို ရည်ရွယ်ချက်နဲ့ သုံးရတယ်ဆိုတာ သိဖို့လိုတယ်။
လူတွေက “ဆာဗာကတော့ ကျနေပြီ” “ဆာဗာကို ချိတ်လို့မရဘူး” စသဖြင့် ပြောဆိုသံတွေ ဌာန ဆိုင်ရာတွေနဲ့ လုပ်ငန်းတွေမှာ ကြားလာရတယ်။ အလားတူပဲ ကွန်ပျူတာ အင်တာနက်ဆိုင်ရာ ပစ္စည်းတွေကို သုံးနေရင်လည်း The server is down ဆိုတာနဲ့ Cannot establish connection to server ဆိုတဲ့ စာတန်းတွေနဲ့လည်း မကြာခဏ ရင်ဆိုင်ဖူးကြမယ် ထင်ပါတယ်။ ဒီလိုဖြစ်ရတာ အကြောင်း နှစ်ချက် ရှိပါတယ်။
၁။ ကွန်ပျူတာကြောင့်လည်း ဖြစ်နိုင်တယ်။ ကွန်ပျူတာတွေ အများကြီး ချိတ်ဆက်ထားမယ်၊ လိုအပ်တဲ့ ပမာဏထက် ပိုပြီး ချိတ်ဆက် သုံးနေမယ်ဆိုရင်လည်း ဖြစ်တတ်တယ်။
၂။ Client / Server ဆိုတဲ့ programming model တွေကြောင့်လည်း ဖြစ်နိုင်တယ်။
၂။ Client / Server ဆိုတဲ့ programming model တွေကြောင့်လည်း ဖြစ်နိုင်တယ်။
- ကွန်ပျူတာဆာဗာတစ်ခုတွင် ရှိရမည့် အင်္ဂါရပ်များ
၁။ စွမ်းအားမြင့်တဲ့ RAM သို့မဟုတ် Memory ထည့်ထားရမယ်
ဆာဗာ ထောင်လိုက်ပြီဆိုတာနဲ့ ကွန်ပျူတာ အသီးသီးရဲ့ ဆက်သွယ်မှုကို ခံရတော့မှာ ဖြစ်တာကြောင့် အမြန်နှုန်းမြင့်မြင့် ဆောင်ရွက်နိုင်ဖို့ လိုပါတယ်။
- ပရိုဆက်ဆာ Speed ကလည်း လုံလောက်တဲ့ ပမာဏ ဖြစ်ရမယ်
ပရိုဆက်ဆာ (processor) နိမ့်ရင် လုပ်ငန်း လုပ်ဆောင်နိုင်စွမ်း နှေးပြီး အခြားချိတ်ဆက် လုပ်ဆောင်ရတဲ့ လုပ်ငန်းတွေမှာ အားနည်းတတ်တယ်။ ဒါကြောင့် ဆာဗာအဖြစ် သုံးမယ့် ကွန်ပျူတာမှ ပရိုဆက်ဆာ ကလည်း အားကောင်းဖို့ လိုတယ်။
- ဟာ့ဒ်ဒစ်နဲ့ကလည်း သိုလှောင်နိုင်စွမ်း ပမာဏ မြင့်မားရမယ်
ဆာဗာဆိုတဲ့အတွက် ဒေတာတွေကို လာပြီး ထည့်ကြလိမ့်မယ်။ ကွန်ပျူတာများများနဲ့ ချိတ်ဆက်ထားလေ ဒေတာများများ သိုလှောင်ဖို့ နေရာလွတ်များများ လိုလေပဲ။ ဒါကြောင့် သိုလှောင် (storage) ပမာဏများများ ထည့်နိုင်အောင် စီစဉ် ပေးထားသင့်တယ်။
- အအေးပေး ပန်ကာစနစ် ကောင်းရမယ်
တစ်နေ့လုံး တစ်ညလုံး ဖွင့်သုံးမှာဖြစ်တဲ့အပြင်၊ ကွန်ပျူတာ အများကြီးနဲ့ ချိတ်သုံးနေရတာဆိုတော့ အပူချိန်ကလည်း အနည်းနဲ့ အများဆိုသလို တက်နေမှာပဲ။ ဒါကြောင့် ဆာဗာထဲမှာပဲ အအေးပေး စနစ် ကောင်းနေဖို့ လိုသလို လေဝင်လေထွက်လည်း ကောင်းတဲ့ နေရာမှာ ထားဖို့လိုတယ်။ များသောအားဖြင့်တော့ ဆာဗာထဲ ထည့်တဲ့ ဟာ့ဒ်ဝဲတွေက အဆင့်အတန်း မြင့်တာတွေနဲ့ အာမခံချက်ရှိတဲ့ ပစ္စည်းတွေဖြစ်ဖို့ လိုတယ်။ ဟာ့ဒ်ဝဲကောင်းကောင်းဆိုရင် စွမ်းဆောင်ရည် ကောင်းတာကြောင့် အပူရှိန် တက်တာကို ထိန်းနိုင်တဲ့အပြင် ပျက်စီးနှုန်းလည်း နည်းနိုင်တယ်။
- စက်လည်ပတ်ရေးစနစ် OS (Operating System) ကို ထိရောက်တာမျိုး သုံးရမယ်
ဆာဗာမှာ သုံးတဲ့ OS ကအရေးကြီးတယ်။ ဌာနတစ်ခုလုံးနဲ့ အဆင်ပြေစွာ သုံးနိုင်တဲ့ OS ဖြစ်ရန်လိုသလို OS တိုင်းလိုလိုနဲ့ အဆင်ပြေစွာ သုံးနိုင်တာမျိုးလည်း ဖြစ်ရမယ်။ ဆာဗာအတွက် အကောင်းဆုံး သုံးနိုင်တဲ့ OS အဖြစ် နိုင်ငံတကာမှာတော့ Linux ကိုအမှတ်ပေးကြတယ်။
- ဆာဗာမှာသုံးတဲ့ ဟာ့ဒ်ဝဲတွေ အာမခံချက်ရှိရမယ်
ဆာဗာဆိုတာ ရပ်သွားလို့၊ ပိတ်ထားလိုက်လို့ မရဘူး။ စက်ပစ္စည်း ဟာ့ဒ်ဝဲအပိုင်း မကောင်းလို့ ထိုးရပ်သွားရင် အားလုံး ဒုက္ခတွေ့နိုင်တယ်။ လုပ်ငန်းတွေ အားလုံး သူ့ကို မှီခို လုပ်ကိုင်နေရတာ ဖြစ်လို့ ပိုပြီး အရေးကြီးတယ်။ ဒါကြောင့် ဟာ့ဒ်ဝဲလည်း ကောင်းရမယ်၊ သတ်မှတ်ထားတာ ထက်လည်း ပိုမသုံးမိအောင် ဂရုစိုက်ရမယ်။
- Power Supply ကောင်းကောင်း ထားရမယ်
UPS (uninterrupted power supply) လို့ခေါ်တဲ့ မီးပျက်ရင် ဆက်ပြီး အလုပ်လုပ်နိုင်တဲ့ ပစ္စည်းကို ခံထားရမယ်။ UPS ကို အင်ဗာတာ (inverter) နဲ့လည်း တွဲထားကောင်း တွဲထားရမယ်။ လျှပ်စစ်ဓာတ်အား အဖြတ်အတောက်၊ အပြတ် အတောက်ကောင်းစွာ ခံနိုင်စွမ်း ရှိရမယ်။
- ဆာဗာအမျိုးအစားများ
Application servers, Database server, File server, FTP servers, Game server, Mail server, Network server, Home server, Fax server, Name server, Print server, Proxy server, Stand-alone server, Virtual servers, Sound server, Web server, Real-time communication servers (chat servers)
0 comments:
Post a Comment