.jpg)
PC Window ရဲ့ အခြေခံအစိတ်အပိုင်းများ
ကွန်ပျူတာကိုစတင်အသုံးပြုရတော့မယ်လို့ဆိုသူတွေအတွက်ရည်ရွယ်ပါတယ်။ ပြည့်ပြည့်စုံစုံမဟုတ်ပေမဲ့ အတက်နိုင်ဆုံးပြည့်စုံအောင်တော့ကြိုးစားထားပါတယ်။နားလည်သဘောပေါက်ကြလိမ့်လို့ ယုံကြည်ပါတယ် ခင်ဗျာ…Hardware ပစ္စည်းများနှင့်အခြေခံအစိတ်အပိုင်းများအကြောင်း ရှင်းပြပါတယ်
ဖွံဖြိုးတိုးတက်လာသောခေတ်တွင် မွေးဖွားလာသော လူသားများအတွက် နေ့စဉ်လုပ်ငန်းဆောင်တာများဖြစ်တဲ့ အချက်အလက်များကို တွက်ချက်ရန်၊ သိမ်းဆည်းရန် နှင့် ညွှန်ကြားချက် အဆင့်ဆင့်တိုင်းကို အတိကျဆုံးနှင့် အမှန်ကန်ဆုံး အဖြေထုတ်၊ အလုပ်လုပ် (ဝန်ဆောင်မှု) ပေးသော ဦးနှောက်ထည့်သွင်းထားသည့် လျှပ်စစ်စက်ပစ္စည်းလို့ဘဲ အဓိပ္ပယ်ပြန်လိုက်တော့မယ်ဗျာ။
ကွန်ပျူတာကို စတင်အသုံးပြု လေ့လာတော့မယ်ဆိုရင် ပထမဦးဆုံးအနေနဲ့ ကွန်ပျူတာမှာဘာတွေပါတယ် အထဲမှာ ဘာစက်ပစ္စည်းတွေနဲ့ ဖွဲ့စည်းတည်ဆောက် ထားတယ်ဆိုတာကို သိထားသင့်ပါတယ်။ ကွန်ပျူတာမှာ ပါဝင်တဲ့ပစ္စည်းတွေကတော့ဗျာ –
Hardware ပစ္စည်းများအကြောင်း
(1). Unit System
(2). Monitor
(3). Key Board
(4). Mouse
(5). Speaker
ဒါကတော့ ကျွန်တော်တို့မြင်ရတဲ့ ကွန်ပျူတာအစုံလိုက်ပုံ ဘဲဖြစ်ပါတယ်။
အဒီပစ္စည်းတွေထဲကမှ အရေးကြီးဆုံးနဲ့ အလုပ်တွေကိုအဓိက လုပ်ဆောင်ပေးသူကတော့ Unit System ဘဲဖြစ်ပါတယ်။ ဘာကြောင့် အရေးကြီးဆုံးလို့ ပြောရတာလဲဆိုရင် မိမိမှာ ကွန်ပျူတာတစ်လုံးပိုင်ဆိုင်ထာပြီးနောက် နောင်တစ်ချိန်မှာ အဲဒီကွန်ပျူတာရဲ့လက်ရှိမြန်နှုန်း၊ လက်ရှိလုပ်ဆောင်ချက် အရည်အသွေးထက် ပိုမိုကောင်းမွန်တဲ့ ကွန်ပျူတာတစ်လုံး လိုချင်လာပြီဆိုတဲ့အခါမှာ အဲဒီ Unit System မှာထည့်သွင်းအသုံးပြုထားတဲ့ ပစ္စည်းတွေကို ကာလပေါ် မြန်နှုန်းမြင့်၊ လုပ်ဆောင်ချက်အရည်အသွေး ပိုမိုကောင်းမွန်တဲ့ ပစ္စည်းတွေနဲ့ ပြောင်းလဲတပ်ဆင်လိုက်ခြင်ဖြင့် မိမိလိုချင်တဲ့ နောက်ဆုံးပေါ်ကွန်ပျူတာတစ်လုံး ရရှိနိုင်လိုဘဲဖြစ်ပါတယ်။
Unit System ထဲမှာပါဝင်တဲ့ ပစ္စည်းတွေကိုဖော်ပြပေးပါ့မယ်။
Motherboard
Unit System အတွင်းရှိ တက်ဆင်ထားသော ဆက်စပ်ပစ္စည်းများအား တစ်ခုနှင့်တစ်ခု ချိတ်ဆက်မိစေရန် အဓိကဆက်သွယ်ပေးသော Board ဖြစ်သည်။
CPU (Central Processing Unit)
CPU (Central Processing Unit) ကို ကွန်ပျူတာ ဦးနှောက်၊ ဗဟိုထိန်းချုပ်မှုစနစ် အစရှိသဖြင့် အမျိုးမျိုးတင်စားခေါ်ဝေါ် ကြပါတယ်။ ၄င်း CPU သည် ကွန်ပျူတာ၏ အခြားအစိတ်အပိုင်း အားလုံးကို ဦးဆောင်ထိန်းချုပ်ထားသော ကွန်ပျူတာ၏ အဓိက အစိတ်အပိုင်းတစ်ခု ဖြစ်သည်။ ၄င်းသည် User များအသုံးပြုနေသော ပရိုဂရမ် အသီးသီးမှ ညွှန်ကြားချက်များကိုအလျှင်အမြန်ဖတ်ရှု့ပြီး အဓိပ္ပါယ် ပြန်ခြင်း၊ တွက်ချက်မှုများလုပ်ဆောင်ခြင်း၊ စီမံခန့်ခွဲခြင်းစသော အဓိကလုပ်ဆောင်ချက်များကို လုပ်ဆောင် ပေးပါသည်။
RAM (Random Access Memory) or Memory Card
အခြေခံအားဖြင့် စက်ဖွင့်ထားစဉ်အချိန်အတွင်း အသုံးပြုနေသော data များနှင့် လုပ်ငန်းစဉ်များအား ယာယီမှတ်ပေးထားနိုင်စွမ်းရှိသော Memory Card ဖြစ်သည်။ ဆိုလိုသည်မှာ – အမြဲတမ်းသိမ်းဆည်းလိုပါက Hard Disk တွင်သိမ်းဆည်းရမည် ဖြစ်ပြီး၊ Hard Disk တွင်မသိမ်းဆည်းမှီ စက်ပိတ်မိပါက အသုံးပြုနေသော data များနှင့် လုပ်ငန်းစဉ်များလည်း ဆုံးရှုံးသွားမည် ဖြစ်သည်။
Hard Disk
Data များကိုအသွင်းအထုတ်လုပ်၍ သိမ်းဆည်းပေးနိုင်သောအရာ ဖြစ်သည်။
Hard Disk တစ်လုံးတည်ဆောက်ထားပုံ
CD ROM
CD (Compact Disc) ထဲမှ Data များကို ဖတ်ပေးနိုင်သောစက် ဖြစ်သည်။ ၄င်းသည် Data များကို ဖတ်ရုံသက်သက်သာဖတ်ပေးနိုင်သောစက်ဖြစ်ပြီး။ Clone လုပ်သောလုပ်ငန်းစဉ်ဖြစ်သော Write လုပ်ခြင်းနှင့် Hard Disk ကဲ့သို့ သိမ်းဆည်းပေးနိုင်ခြင်း မရှိပါ။ Clone လုပ်သောလုပ်ငန်းစဉ်ဖြစ်သော Write လုပ်ခြင်းကို CD Re Writable ဆိုသော Writer များဖြင့် ပြုလုပ်နိုင်ပါသည်။
Floppy Disk Drive
Floppy Disk ထဲမှ Data များကို ဖတ်ပေးနိုင်သောစက် ဖြစ်သည်။ ၄င်း CD ROM ကဲ့သိုမဟုတ်ဘဲ နောက်ထပ် နောက်ထပ် အကြိမ်ကြိမ် Re Writable လုပ်နိုင်သော်လည်း Data ဆံ့ဝင်နိုင်မှုပမာဏမှာ (1.44 MB) ဖြစ်ပြီး အလွန်ဆံ့ဝင်နိုင်မှု နည်းသောကြောင့် ယနေ့ခေတ်တွင် အသုံးပြုမှု အလွန်နည်းပါးသွားပြီ ဖြစ်သည်။
Floppy Disk
VGA Card
Monitor မျက်နှာပြင်တွင် ရုပ်ပုံများ မြင်နိုင်ရန်အတွက် တပ်ဆင်ရသော ကဒ်ဖြစ်သည်။ VGA Card များသည် PCIEX Slot Type အမျိုးအစားများ ဖြစ်သည်။
Sound Card
Speaker မှ အသံများကိုကြားနိုင်ရန်အတွက် တပ်ဆင်ရသောကဒ် ဖြစ်သည်။ ၄င်း ကဒ်များသည် PCI Slot Type အမျိုးအစားများ ဖြစ်သည်။
Hardware ပစ္စည်းများ တပ်ဆင်ထားပုံ
(1). Motherboard
(2). PCI and VGA Slot
(3). ZIF Socket with CPU
(4). RAM or Memory
(5). Power Supply
(6). Casing
(7). Hard Disk (HDD)
(8). Read Only Memory (ROM)
အထက်မှာဖော်ပြခဲတဲ့ အကြောင်းအရာတွေကတော့ Hardware ပစ္စည်းတွေ တစ်ခုချင်းစီရဲ့ အလုပ်လုပ်ပုံနှင့် တပ်ဆင်ပုံအဆင့်ဆင့်ကို ဖော်ပြသွားတာဖြစ်ပါတယ်။
သုံးစွဲသူ (User) တစ်ယောက်လက်တင်အသုံးပြုနိုင်တဲ့ Computer တစ်လုံးဖြစ်ဖို့ဆိုရင် Hardware ပစ္စည်းတွေအစုံအလင်တပ်ဆင်ထားရုံဖြင့် သုံးစွဲလို့မရနိုင်သေးပါဘူး။ Window လို့အများသိတဲ့ Operation System (OS) ကို အရင်ဆုံးတပ်ဆင်ပေးပြီးနောက် Application Software လို့ခေါ်တဲ့ လက်တွေ့အသုံးချ Software တွေကို တပ်ဆင်ပြီးမှသာ User တစ်ယောက် လက်တင်အသုံးပြုနိုင်တဲ့ အဆင့်ကိုရောက်ရှိမှာ ဖြစ်ပါတယ်။
0 comments:
Post a Comment