Our social:

June 27, 2015

Microsoft ၏ ရုံခါမှုက Windows 10 ကို မိုဘိုင်းလ်အပေါ် ပို့ဆောင်ပေးနိုင်မလား

Windows-Phone-10-Could-Launch-as-Windows-10-Mobile-Report-469410-2

Microsoft ၏ ရှေ့ခရီးတွင် အလွန်ဖြုံလောက်စရာကောင်း သည့် ကြီးလေးလွန်းသော တာဝန်တစ်ခုရှိနေသည်။Windows ကို စမတ်ဖုန်းအတွင်း တစ်ဖန်ပြန်၍ ဆီလျော်အပ်စပ်အောင်ပြုလုပ် ဖို့အတွက်ပဲဖြစ်ပါသည်။ ရှေ့တွင်ရှိသည့် စိန်ခေါ်မှုများကို သဘောပေါက်နားလည်မှုကို ပြသခြင်းအားဖြင့် ကမ္ဘာ့အကြီးဆုံးဆော့ဖ်ဝဲလ်ပြုလုပ်သူကြီးက အခုရက်ပိုင်းအတွင်း ၎င်းင်း၏အမှုဆောင်အရာရှိအဆင့် ရာထူးများကို အစအဆုံး အသစ်ပြန်လည်ဖွဲ့ စည်းနေရာချထားမည်ဟု ကြေညာခဲ့ပါသည်။ သိသာထင်ရှားမှုအရှိဆုံး အပြောင်းအလဲမှာ Stephen Elop ထွက်ခွာမှုဖြစ်သည်။ စမတ်ဖုန်းထုတ်လုပ်မှုဝါရင့်သည့် သူ၏ devices လုပ်ငန်းကို Terry Myerson ကိုင်တွယ်သည့် operating systems အသစ်ထဲပေါင်းစပ် ထည့်သွင်းမည်ဖြစ်သည်။ Microsoft ၏ operating system ဒုဥက္ကဌ Terry Myerson သည် Windows and Devices Group ဌာနခွဲအသစ်ကိုပဲ့ကိုင်ထိန်း ကျောင်းမည်ဖြစ်သည်။

“ကျွန်တော်တို့ဟာ ကျွန်တော်တို့ရဲ့ အင်ဂျင်နီယာဆိုင်ရာ ကြိုးပမ်းအားစိုက်မှုနဲ့ စွမ်းဆောင်ရည်တွေကို ကျွန်တော်တို့ရဲ့မဟာဗျူဟာ အတိုင်း ဖော်ဆောင်ပေးနိုင်ဖို့၊ အထူးသဖြင့် ကျွန်တော်တို့ရဲ့ ပင်မရည် မှန်းချက်သုံးခုအတိုင်း ဖော်ဆောင်ပေးနိုင်ဖို့ အလိုက်သင့်ပြောင်းလဲ ချိန်ညှိပေးနေပါတယ်။ ဒီအပြောင်း အလဲက ကျွန်တော်တို့ရဲ့ ဖောက် သည်တွေချစ်မြတ်နိုးတဲ့ ပိုကောင်းတဲ့ထုတ်ကုန်နဲ့ဝန်ဆောင်မှုတွေ ပိုပြီး မြန်ဆန်တဲ့နှုန်းထားနဲ့ ဖြန့်ဝေပေးနိုင်အောင် ပြုလုပ်ပေးနိုင်ပါလိမ့်မယ်” ဟု Microsoft CEO Satya Nadella က သူ၏၀န်ထမ်းများထံပို့ ပေးသည့် အီးမေးလ်ထဲတွင် ဖော်ပြပါရှိပါသည်။

ဤသို့ရာထူးအကြီးပိုင်းအဆင့်အထိ အပြောင်းအလဲကြီးကြီးမား မားပြုလုပ်ခဲ့ခြင်းက Microsoft အနေဖြင့် မိုဘိုင်းလ်လောကအထဲတည်ရှိမှု ရှုံးနိမ့်ပျက်ကွက်ခဲ့လျှင် မည်မျှဆုံးရှုံးမှုကြီးမားမည်ဆိုသည်ကို အလေးပေး ဖော်ပြနေပါတယ်။ Microsoft သည် သူ၏ Windows 10 operating system ကို ကိရိယာများအပေါ် များနိုင်သမျှ များများနဲ့ရောက်ရှိစေဖုိ့ သူတို့ကိုအတူတကွလုပ်ဆောင်စေဖို့ အကြံအစည် ကို တွန်းအားပေးဖော်ဆောင်လျှက်ရှိသည်။ ကုမ္ပဏီအနေဖြင့် မိုဘိုင်းလ်လောကအထဲ ပိုမိုကြီးမားသည့်ခြေ ကုပ်ရအောင် စွဲမြဲနေရာယူနိုင်ဖို့က အလွန်တရာ အရေးကြီးပါသည်။ လူပေါင်းများစွာ၏ဘ၀တွေအထဲ တစ်ခုတည်းသောအရေးကြီးဆုံးကိရိယာဖြစ်သည့် စမတ် ဖုန်းမရှိလျှင် ကိရိယာများအကြား တစ်သားတည်း ရှိသည့် Windows တွေ့ကြုံခံစားမှုဆိုသည့် စိတ်ကူးအိုင်ဒီယာက ကျိုးပျက်သွားမည်ဖြစ်သည်။ “ Microsoft ရဲ့ ပြန်လည်ပြင်ဆင်ဖွဲ့စည်းမှုက ကုမ္ပဏီဟာ မိုဘိုင်းလ်ဘက် ကိုအကြီးအကျယ်ကူးပြောင်းမှုအတွက် စိတ်ပိုင်းဖြတ်ထားမှုကို ပြသနေတယ်။ သူတို့ရဲ့မိုဘိုင်းလ်ဆိုင်ရာကြိုးပမ်းအားထုတ်မှုတွေဟာ Microsoft နဲ့ လိုက်ဖက်ညီတစ်သားတည်ဖြစ်အောင် နီးနီး ကပ်ကပ်ဆောင်ရွက်မှုတွေကပဲ အကျိုးအမြတ်ရစရာရှိတယ်” ဟု Forrester ခွဲခြမ်းစိတ်ဖြာသူ Frank Gillett က ပြောပါသည်။

လူအများစုအတွက်တော့ Windows ဖုန်းဟူသည့် စိတ်ကူးအိုင် ဒီယာမှာ သူစိမ်းဆန်ဝေးကွာနေ ဆဲဖြစ်ပါသည်။ Microsoft ၏ Windows Phone Operating System ဖြင့် လည်ပတ်နေသည့် စမတ်ဖုန်းအရေအတွက်မှာ ပထမသုံးလပတ်ကမ္ဘာလုံးဆိုင်ရာဈေးကွက် အတွင်း ၂.၅ ရာခိုင်နှုန်းသာ ရှိသည်ဟု Gartner ၏ အဆိုအရသိရသည်။ လွန်ခဲ့သည့် တစ်နှစ်ကစာလျှင် အနည်းငယ်ကျဆင်းလာသည်။ ယခုအခါ Windows Phone OS ကို Windows 10 Mobile ဟု အမှတ်တံဆိပ်အမည်ပြောင်းလဲ ထားပါသည်။ ယှဉ်ကြည့်လျှင် Android ကဈေးကွက်၏ ၈၀ရာခိုင်နှုန်း နီးပါးကိုထိန်းချုပ်ထားပြီး ငဏ့သညန က ၁၈ ရာခိုင်နှုန်းပိုင်ဆိုင်ထားသည်။ ထိုတာဝန်သည် ယခု Windows and Devices Group ဟု အသစ်ဖန်တီးထားသည့် ဌာနကို ဦးဆောင်မည့် Myerson အပေါ်ကျရောက်လာမည်ဖြစ်သည်။ သူက “ Windows ဂေဟစနစ်ဖြင့် စွမ်းအားပေးမည့် ပုဂ်္ဂိုလ်ရေးတရင်းတနှီးဖြစ်မှုဖြင့် ပိုမိုနီးစပ်လွယ်ကူသော ကွန်ပျူတာအသုံးပြုမှုအတွေ့အ ကြုံကို ဖြစ်နိုင်ဖို့” အာရုံစိုက်မည်ဖြစ်သည်။

Elop ၏ စွန့်ခွာမှုကမူ စားသုံးသူများအနေဖြင့် Windows Phone ၀ယ်ယူစေဖို့ သူ၏လေးနှစ်တာကြိုးပမ်း အား ထုတ်မှုခရီးပြီးဆုံး သွားခြင်းအမှတ်အသားဖြစ်ပါသည်။ ပထမအကြိမ်မှာ Nokia ၏ CEO အဖြစ်နှင့် ၂၀၁၁ တွင် ဖင်လန်နိုင်ငံမှ ဖုန်းလုပ်ငန်းကြီး၏ မဟာဗျူဟာကို အငြင်းပွားဖွယ်ရာနည်းလမ်းဖြင့် Microsoft ၏ မိုဘိုင်းလ် operating system ဆီသို့ ရွှေ့ပြောင်းဦးတည်စေခဲ့ခြင်းဖြစ်သည်။ မူလအစက Microsoft မှထွက်ခွာခဲ့ပြီး Nokia ဖြင့် ပူးပေါင်းခဲ့ခြင်း ဖြစ်ပြီး ဆော့ဖ်ဝဲလ်ဘီလူးကြီးက Nokia device လုပ်ငန်းကို ၂၀၁၄ မှာ ၀ယ်ယူပြီးစီးခဲ့သည့်အခါ ပြန်ရောက်လာခြင်းဖြစ်သည်။

သို့သော် သူ၏ဌာနခွဲသည် Microsoft ၏ လက်အောက် ရောက်ပြီးနောက် ဈေးပေါပြီးထင်ရှားကျော်ကြားမှု မရှိသော ကိရိယာ လက်တစ်ဆုပ်စာမျှကိုသာ ဖြန့်ဝေနိုင်ခဲ့သည်။ ဧပြီလကပြုလုပ်ခဲ့သည့် ကုမ္ပဏီ၏ Build Developer ကွန့်ဖရင့်ပွဲတွင်လည်း အရေးကြီးသည့် ကြေညာချက် တင်ဆက်ပြသဖို့အတွက် ပျက်ကွက်ခဲ့ပါ သည်။

ပိုကောင်းဖို့ ပေါင်းစည်းခြင်း
Elop ရင်ဆိုင်ခဲ့ရသော၊ Microsoft မှလည်း ရင်ဆိုင်နေဆဲဖြစ်သော စိန်ခေါ်မှုတစ်ခုမှာ Android နှင့် Apple ၏ iOS Operating System တို့ဖြင့်ယှဉ်၍ ရနိုင်သည့်ရေပန်းစားလူကြိုက်များသော app များ ကင်းမဲ့နေခြင်းဖြစ်သည်။ Fallout Shelter ကဲ့သို့ ဂိမ်းအသစ်ပဲဖြစ်ဖြစ်၊ Snapchat ကဲ့သို့ လူမှုကွန်ရက်ဆိုင်ရာပဲဖြစ်ဖြစ် Windows App Store တွင် လစ်ဟာချက်များစွာရှိနေဆဲဖြစ်သည်။ Spotify ကဲ့သို့ လူကြိုက်များသော app များပေါ်လာလျှင်တောင်မှ အများကြီးနောက်ကျပြီးမှရောက်ရှိ လာခြင်းဖြစ်သည်။

Microsoft ၏ ဈေးခေါ်သွေးဆောင်မှုကတော့ Windows 10 နောက်ကွယ်မှ တူညီတဲ့အခြေခံအုတ်မြစ်ပဲ တစ်လျှောက်လုံးဖြစ်နေခဲ့ပါသည်။ ၄င်းက PC, တက်ဘလက်နှင့် စမတ်ဖုန်းများကို စွမ်းအား ပေးမည်ဖြစ်ပြီး developer များအနေဖြင့် ကိရိယာတစ်ခုအတွက် app တစ်ခုကိုရေးပြီးသောအခါ အခြားကိရိယာများအပေါ် အလွယ် တကူလည်ပတ်နိုင်စေမည်ဖြစ်သည်။ ဤသည်မှာMicrosoft က ယခင်ပြောကြားခဲ့ပြီးသား ဇာတ်လမ်းပုံပြင်သာ ဖြစ်သည်။ Windows 8 က PC ၊ ဖုန်းနှင့် တက်ဘလက်များအားလုံးအပေါ် ဘုံတူညီတဲ့ tile-based user interface ဖြင့် သုံးစွဲစေမည်ဟူသောစိတ်ကူးဖြင့် ပွဲထွက် လာခဲ့စဉ် ကတည်းကဖြစ်ပါသည်။ သို့သော်ထိုစဉ်အခါက မိုဘိုင်းလ်၏ အတွင်းပိုင်းအနှစ်သာရနှင့် PC ပလက်ဖောင်းအကြား အခြေခံကျ သည့် ကွာခြားချက်များရှိနေဆဲဖြစ်သည်။ ထိုကိစ်္စကိုပဲ သူတို့က Windows 10 အတွက် ဆက်လက်လုပ်ဆောင်ခဲ့ကြခြင်းဖြစ်သည်။

Myerson ၏ လက်အောက်တွင် အုပ်စုအသစ်တစ်ခုဖွဲ့ဖို့ Microsoft ၏ ကြိုးပမ်းမှုမှာ တစ်ခုနဲ့တစ်ခု ကြီးကြီးမားမား သီးခြားကင်းလွတ်စွာဖြင့် လည်ပတ်နေသော လုပ်ငန်းအစိတ်အပိုင်းများကို အတူတကွပေါင်း စည်းခြင်း၏ အရေးပါပုံကိုလည်း မီးမောင်းထိုးပြနေခြင်းဖြစ်သည်။ “ ဆော့ဖ်ဝဲလ်နဲ့ကိရိယာတွေ အကြား ပေါင်းစည်းမှုအ ကြောင်းပြောတဲ့အခါ ၀န်ထမ်းအဆင့်ထိပေါင်းစည်းဖို့လိုအပ်တယ်။ ဒါက Microsoft လိုချင်တဲ့ အပြည့်အ၀ပေါင်းစည်းမှုကိုပေးမယ်” ဟု 451 Research မှ ခွဲခြမ်းစိတ်ဖြာသူ Chris Hazelton ကပြောသည်။

Microsoft နှင့်အတူ တိုးတက်မှု
Microsoft သည် မိုဘိုင်းလ်လုပ်ငန်း၏ မျက်နှာစာတစ်ခုတီထွင် ပြီး ကြီးမားသည့် ခြေလှမ်းကြီး တစ်ရပ်ပြုလုပ်ခဲ့ ပြီးဖြစ်သည်။ ၄င်းမှာတက်ဘလက်လုပ်ငန်းဖြစ်ပါသည်။ ၄င်း၏ Surface Pro 3 မှာ စား သုံးသူများအကြား ပေါက်သွားခဲ့ကြောင်းပေါ်ထွက်လာခဲ့သည်။ အထူးသဖြင့် လုပ်ငန်းအတွက် အဓိကထား သည့်လူများအတွက်ဖြစ်သည်။ ဇန်န၀ါရီလတွင် Microsoft က အဆင့်မြင့် version တက်ဘလက် ၏ ဦးဆောင်မှုဖြင့် surface သည် တစ်ဘီလီယံ တန် လုပ်ငန်းကြီးဖြစ်လာပြီဟု ကြေညာခဲ့သည်။ ၎င်းင်း၏တိုးတက်လာမှုသည် Apple ပိုင် iPad လုပ်ငန်းဝင်ငွေကျ ဆင်းကာ ရုန်းကန်နေရသည့်အခါနှင့် တိုက်ဆိုင်နေသည်။ “ဒီဥစ္စာက ပြိုင်ဖက်တွေဆီကဝေစုတွေ ခိုးယူနေပြီး iPad ရဲ့ကြီးထွားမှု ကို နှေးကွေးစေတယ်”ဟု Hazelton ကပြောသည်။

Surface Pro 3 သည် Microsoft ၏ ဘယ်နေရာမဆို သုံးနိုင်မည့်ဆော့ဖ်ဝဲလ်ဖော်မြူလာအတွက် အရေးကြီးသည့် ပါဝင်ပစ္စည်းအမယ်ဖြစ်သည်။ သို့ရာတွင် Myerson သည် ထိုအောင်မြင်မှုကို ၎င်း၏ Windows စမတ်ဖုန်းများအထဲ ပိုဆောင်နိုင်ဖို့ လိုအပ်နေပါသည်။ Surface Pro 3 က ကြီးမားလုံလောက်စွာအောင်မြင်မှုရခဲ့သဖြင့် နောက်လာမည့် Microsoft flagship စမတ်ဖုန်းသည် တက်ဘလက်ထဲမှ စိတ်ကူးရယူနိုင်သည်ဟု အရိပ်အမြွက်ပြောကြားခဲ့သည်။ မတ်လကပြုလုပ်ခဲ့သည့် အင်တာဗျူးတစ်ခုတွင် သူက Surface Pro 3 ကို ကိုင်ဆောင်ပြီး “ ဒီလိုကိရိယာထဲမှာ သဲလွန်စ အချို့တွေ့နိုင်တယ်” ဟု ပြောခဲ့သည်။

Flagship စမတ်ဖုန်းဘယ်ရောက်နေသလဲ
Windows 10 Mobile အတွင်း ဆော့ဖ်ဝဲလ်ကိုအဆင့်မြှင့်တင် ကောင်းမွန်စေခြင်းနှင့် ပေါင်းစည်းခြင်း ကနောက်ကွယ်ကပံ့ပိုးပေးမည့် ဆွဲဆောင်မှုအားကြီးသည့်flagship ထုတ်ကုန်တစ်ခုမရှိလျှင် စားသုံး သူများကို စိတ်လှုပ်ရှားစေနိုင်မည်မဟုတ်ချေ။ သူ၏အခန်းကဏ္ဍသစ်တွင် Myerson က သေချာအောင် လုပ်ရမည့် အကြီးမားဆုံးဦးစား ပေးကိစ္စတစ်ခုမှာ Windows Phone Platform အသစ် Windows Mobile 10 ထွက်လာသောအခါ စိတ်လှုပ်ရှားစရာထုတ်ကုန်တစ်ခု (သို့မဟုတ် ထုတ်ကုန်များ) ကို ထုတ်ပြနိုင်ဖို့ဖြစ်သည်။

Windows Phone ပလက်ဖောင်းအဟောင်းက သူ၏ဈေးကွက်ဝေစုကို ဖက်တွယ်နေနိုင်ခြင်း မှာ ပေါ်ထွန်းစဈေးကွက်များအတွင်း ဈေးသက်သာသည့်စမတ်ဖုန်းများပေးကမ်းနိုင်ခြင်းကြောင့်သာဖြစ်သည်။ အမေရိကန်အတွင်းတွင်လည်း ဈေးသက်သာဝယ်ပျော်လွန်းသည့် ကိရိယာများမှတစ်ဆင့် အလားတူအောင်မြင်မှုအနည်းငယ်ရခဲ့သည်။ မကြာသေးမီက AT & T က ကြီးမားသည့် Lumia 640XL စမတ်ဖုန်းကို လ ၃၀ အတွက် တစ်လ ၈.၃၄ ဒေါ်လာ သို့မဟုတ် အကြမ်းဖျဉ်း ၂၅၀ ဒေါ်လာဖြင့် ရောင်းချမည်ဟု ကြေညာခဲ့ သည်။ သို့ရာတွင် ဤကိရိယာများသည် Apple iPhone နှင့် Samsung Galaxy S6 ကဲ့သို့ ပိုမို၍ ထင်ရှားကျော်ကြားပြီး ပိုပြီးဈေးကြီးသည့် ကိရိယာများ၏ အရိပ်ထိုးခြင်းအောက်တွင် ကျရောက်နေသည်။ ထိုဖုန်းများသည် အရေးပါကြီးမားသည့် ကြော်ငြာ စစ်ဆင်ရေးနှင့် လက်လီရောင်းချမှု အထောက်အပံ့များမှ အကျိုးအမြတ်မားရရှိ ထားသည်။

ထိုကဲ့သို့ထင်ရှားပေါ်လွင်သောအဆင်မြင့်ကိရိယာတစ်ခုကို စား သုံးသူများ၏ လek@HkRBNΌ ထဲရောက်ရှိစေမှုက Microsoft အသစ်ကို ကြွား ၀ါထုတ်ပြဖို့ အရေးကြီးလှပါသည်။ ၄င်း၏ ဆော့ဖ်ဝဲလ်နှင့်တွေ့ကြုံခံ စားမှုများအားလုံးကိရိယာတစ်ခုမှ တစ်ခုဆီသို့ ကူးပြောင်းစီးဆင်း သွား နိုင်မည့် နည်းလမ်းဖြစ်ပါသည်။ Microsoft သည် Surface Pro 3 နှင့်အတူ တိုးတက်မှုများရရှိခဲ့ပြီးဖြစ်သည်။ PC နှင့် Laptop ပြုလုပ်သူများသည် Windows 10 ရရှိလာသည်နှင့် တစ်ပြိုင်နက်၎င်းဖြင့် စွမ်းအားပေးသည့်ကိရိယာများ တွန်းအားပေးပုံအောထုတ်ဖို့ သေချာ သလောက်ရှိပါသည်။ ပျောက်ဆုံးလစ်ဟာနေသောကွင်းဆက်မှာ စမတ်ဖုန်းသာဖြစ်သည်။ “တကယ်လို့ကိရိယာတွေအကြား တစ်သား တည်း ကူးပြောင်းမှုပြုလုပ်နိုင်မယ်ဆိုရင် Windows စမတ်ဖုန်းပိုင် ဆိုင်ခြင်းရဲ့ တန်ဖိုးကို မြင်နိုင်မှာပါ” ဟု Hazelton ကပြောပါသည်။

Wrirtten by Kyaw Zeya(MIT)

Myanmar Digital Life Journal


ညောင်ညိုသားလေးသို့ { ဒီမှာ } သွားလိုက်ပါ